Trátase dunha factoría na que:

• robots e humanos traballan xuntos en ámbitos completamente conectados;
• a produción en masa deixa paso á produción ultrapersonalizada;
• a propia fábrica é capaz de xestionar de forma automática e sustentable non só a produción, senón a compra de enerxía;
• a loxística pasa a ser ultraeficiente;
• e impúlsase a creación de emprego cualificado en ámbitos ligados ás TIC.

A Xunta tense aliado con rexións europeas punteiras neste eido, integradas na Vanguard Initiative, como Lombardía, Baden-Württemberg ou Cataluña, e porá en marcha proxectos piloto conxuntos neste ámbito. Pero a estratexia galega principal para facer fronte a este desafío é a Axenda da Competitividade Galicia-Industria 4.0.

Esta iniciativa persegue incrementar o peso da industria no PIB en 6,5 puntos ata acadar o 20% no ano 2020, creando 50.000 novos empregos de calidade durante este período. Unha das primeiras iniciativas enmarcadas na Axenda é o polo industrial e tecnolóxico de avións non tripulados, e conta con ducias de medidas destinadas a reinventar a industria galega, como programas e axudas específicas para implantar a fábrica intelixente no tecido industrial galego, que se activarán proximamente.