A Xunta de Galicia, coa finalidade de contribuír a acadar os obxectivos de cumprimento de xeración de electricidade a partir de fontes renovables, simplifica a normativa e os procedementos aplicables para a implantación e desenvolvemento destas tecnoloxías.
A aprobación do Plan Sectorial Eólico de Galicia permitiu dar un impulso decisivo ao desenvolvemento da política enerxética de Galicia, e regular a forte compoñente territorial das instalacións produtoras cuxa incidencia no territorio galego -polas características especiais do interese público que representan- transcende o termo municipal no que se localizan.