Axudas económicas
Cerrar buscador
Compartir

Compártao :

CORONAVIRUS

Axudas económicas

  • Axudas economicas

A Administración autonómica traballa co principal obxectivo de garantir a saúde dos galegos e galegas, ao tempo que se desenvolven os apoios precisos para que o tecido empresarial poida facer fronte o mellor posible á situación actual.

Neste contexto están activas diferentes liñas de apoio como:

 

PLAN DE DIXITALIZACIÓN

O Plan de transformación dixital dos/as autónomos/as, as pequenas e medianas empresas e o comercio galego impulsado pola Xunta de Galicia busca que gañen en competitividade no novo contexto económico.

Nestes momentos están activos programas como o Galicia Exporta Dixital.

 

LIQUIDEZ

INXECCIÓN INMEDIATA DE LIQUIDEZ para o tecido empresarial, con especial atención a autónomos/as e pemes, coa activación de diferentes liñas de préstamos e microcréditos.

APRAZAMENTO DAS COTAS de amortización e xuros da liquidación de todos os préstamos formalizados coa Xunta de Galicia e que mobilizan 265M€.

Máis información aquí: http://www.xesgalicia.es/

 

INNOVACIÓN

A Xunta impulsa con 600.000 euros a nova aceleradora Connect-19 en colaboración coa Sociedade Parque Tecnolóxico de Galicia.

Esta iniciativa, que vén de poñerse en marcha, permitirá consolidar ao longo de cinco meses un total de 20 proxectos de pemes centrados no desenvolvemento de solucións innovadoras fronte á covid-19.

Ademais, a Axencia Galega de Innovación (Gain) ten en marcha axudas para apoiar proxectos de investigación relacionados coa enfermidade da covid-19 e o desenvolvemento de fármacos e vacinas eficaces. Máis información aquí: http://gain.xunta.gal/artigos/435/proxectos+investigacion+covid-19+presentados+convocatoria+do+isciii

 

ASESORAMENTO ESPECIALIZADO

A través do ReAcciona ofrécense servizos de asesoramento sobre medidas que deben adoptar comercios, autónomos e empresas para mellorar a súa competitividade en ámbitos como a reorganización estratéxica e operativa dos negocios, a profesionalización, a dixitalización e, como novidade este ano, a innovación.

Máis información en http://reacciona.igape.es