Inicio > Organización > Entidades adscritas > Centro de Innovación e Servizos Tecnolóxicos da Madeira de Galicia - CIS Madeira
Compartir

Compártao :

ENTIDADES ADSCRITAS

Centro de Innovación e Servizos Tecnolóxicos da Madeira de Galicia - CIS Madeira

Actualizado o: 22 outubro 2014
Os servizos de CIS-Madeira están orientados ao control de calidade de materiais e produtos e ao asesoramento sobre construción en madeira.

O Centro de Innovación e Servizos Tecnolóxicos da Madeira de Galicia (CIS-Madeira) encóntrase situado no Parque Tecnolóxico de Galicia (Tecnópole), na provincia de Ourense. Creouse no ano 1996 e pertence á Consellería de Economía e Industria da Xunta de Galicia, enmarcándose dentro da Axencia Galega de Innovación (GAIN).

Xunto co desenvolvemento de proxectos de I+D+i, o CIS-Madeira ofrece servizos tecnolóxicos avanzados tanto a profesionais coma a empresas do sector. Estes servizos están orientados basicamente cara ao control de calidade de materiais e produtos, a reenxeñería de procesos e o asesoramento sobre construción en madeira.

CIS-Madeira dispón dun equipo de persoal técnico composto por titulados/as superiores e medios en varias disciplinas de enxeñaría, que é o responsable de levar a cabo as actividades do centro: proxectos de investigación básica e aplicada, transferencia de tecnoloxía, promoción e difusión do coñecemento sobre o uso da madeira nas súas diversas aplicacións, formación nas áreas relacionadas coa tecnoloxía da madeira e outros servizos técnicos. 

Toda a información

Organización/s: Centro de Innovación e Servizos Tecnolóxicos da Madeira de Galicia - CIS Madeira ; Axencia Galega de Innovación - Gain
Tema/s: Innovación; Industria
Colectivo/s: Empresa; Instalación industrial