Inicio > Áreas > Doing Business > Temas de interese
Compartir

Compártao :

Participa na elaboración da Lei de implantación empresarial

Actualizado o: 05 abril 2017

Achégannos as túas propostas a través do enderezo electrónico doingbusiness@xunta.gal

Se es autónomo/a, emprendedor/a ou empresario/a axúdanos na elaboración da Lei de implantación empresarial, coa que queremos facilitar a chegada de novos proxectos a Galicia.

Colabora a través desta plataforma cidadá, en doingbusiness@xunta.gal, para facer entre todos/as unha normativa acorde coas túas necesidades.

Esta iniciativa está orientada a favorecer a implantación de actividade industrial en Galicia para seguir crecendo e xerando emprego. Necesitamos a túa opinión para simplificar a tramitación administrativa, para desenvolver mellores axudas e apoios ás actividades empresariais e levar a cabo actuacións específicas que contribúan á súa dinamización.

Queremos que sexas copartícipe da elaboración desta Lei que se enmarca no Plan de acción para a captación de novos investimentos en Galicia, unha nova estratexia da Xunta para poñer en valor a capacidade industrial, loxística e xeoestratéxica da nosa comunidade.

Queremos desenvolver medidas de maneira coordinada co resto de administracións para atraer a Galicia novas oportunidades empresariais. Por iso, esta folla de ruta aposta por intensificar o investimento en innovación e Industria 4.0.

O noso reto principal é que Galicia se converta nunha comunidade atractiva para investir e ofrecer emprego estable e de calidade.

Toda a información

Tema/s: Doing Business
Colectivo/s: Peme; Empresa; Emprendedor/a; Investidor/a; Autónomo/a
Feitos vitais: Investir en Galicia