Dende
Ata

Temos dispoñibles para consulta 586 novas
18/12/2018 13:35

A Xunta é a primeira administración española que lanza unha convocatoria para impulsar a creación de Hubs de innovación dixital, un novo paso para fortalecer o sistema de I+D+i de Galicia

O Diario Oficial de Galicia publica hoxe tanto as bases reguladoras como a convocatoria, de concorrencia competitiva, que estará aberta desde mañá e ata o 1 de febreiro

Trátase dunha nova ferramenta que permitirá aliñar, de xeito eficiente, o coñecemento coas necesidade do tecido empresarial e os mercados facilitando, á súa vez, que a industria e as pemes poidan incorporar a innovación á súa estratexia de negocio

A selección realizarase tendo en conta a contribución da proposta ao avance da especialización intelixente de Galicia (RIS3)

Os Hubs seleccionados poderán acceder aos apoios futuros que se porán en marcha e que inclúen capacitación e financiamento tanto para a súa posta en funcionamento como para a súa actividade co obxectivo de que cheguen a ser autosostibles

Conde destaca no Porriño que a aposta pola innovación e a internacionalización é clave na mellora da competitividade empresarial galega
18/12/2018 13:18

Conde destaca no Porriño que a aposta pola innovación e a internacionalización é clave na mellora da competitividade empresarial galega

O conselleiro de Economía, Emprego e Industria, Francisco Conde, visitou hoxe as instalacións de Ceamsa, empresa líder na biotecnoloxía orientada á industria alimentaria e farmacéutica

Explica que o labor de empresas como Ceamsa está permitindo que Galicia siga batendo récords nas vendas ao exterior e situar a Comunidade á vangarda en temas de innovación

Lembra que a Xunta seguirá apostando pola internacionalización do tecido empresarial galego, co apoio a 1000 empresas a través da nova convocatoria de Galicia exporta e do Plan Foexga; e a dixitalización, cun orzamento de 40M€ en 2019

A Xunta impulsa co canon eólico obras en 45 concellos lucenses,  cun investimento de preto de 3 millóns de euros
17/12/2018 19:51

A Xunta impulsa co canon eólico obras en 45 concellos lucenses, cun investimento de preto de 3 millóns de euros

O delegado territorial de Lugo, José Manuel Balseiro, estimou que os 16 novos parques que están en tramitación incrementarán o orzamento anual en case 700.000 euros

17/12/2018 15:35

As empresas preseleccionadas para o reto presentado por Coren en Galicia Open Future coñecen o funcionamento da compañía

Durante tres días estudarán de preto a proposta da cooperativa ourensá no marco da aceleradora impulsada pola Xunta en colaboración con Telefónica

Despois de Pescanova e Finsa, trátase da terceira gran empresa que lanza unha proposta a emprendedores, startups e pemes

Os participantes deben propor solucións no ámbito da dixitalización e optimización dos procesos na área porcina de Coren

A iniciativa forma parte de StartIN Galicia, a rede galega de aceleradoras a través da cal a Administración autonómica apoiou nos últimos cinco anos preto de 900 proxectos de emprendemento, que contribúen ao desenvolvemento dunha industria innovadora e competitiva

A Xunta recoñece nos Premios Artesanía de Galicia 2018 a creatividade e a innovación dos profesionais do sector
17/12/2018 13:50

A Xunta recoñece nos Premios Artesanía de Galicia 2018 a creatividade e a innovación dos profesionais do sector

O conselleiro de Economía, Emprego e Industria, Francisco Conde, destaca a importancia cultural e económica da artesanía galega, que dá traballo a 5000 persoas e que é fundamental na diversificación do rural

O Premio Artesanía de Galicia 2018, dotado con 6000 euros, recae en Ana Tenorio, do obradoiro vigués Withcneeds, pola súa obra O bosque interior, un xogo de café que reflexiona sobre a interacción coa natureza

O torneiro de madeira das Pontes Manuel Castro “Lolo” recibe o Premio Traxectoria, un dos mellores especialistas a nivel europeo no seu oficio

Cristina Velasco, do obradoiro coruñés Anaquiños de papel, obtén a Bolsa Eloy Gesto, con 4000 euros para investir en formación

A Xunta pon en marcha a campaña 'Móvete!' coa recomendación de 12 hábitos saudables para reducir o sedentarismo na oficina
17/12/2018 12:18

A Xunta pon en marcha a campaña 'Móvete!' coa recomendación de 12 hábitos saudables para reducir o sedentarismo na oficina

A secretaria xeral de Emprego, Covadonga Toca, acompañada da directora do Instituto de Seguridade e Saúde Laboral de Galicia (ISSGA), Adela Quinzá-Torroja, presentou hoxe a iniciativa en Santiago co fin de promover un emprego de calidade

Distribuiranse 6000 exemplares en empresas, na Xunta e no resto de administracións públicas nos que se recollen os 12 consellos para fomentar un estilo de vida máis saudable entre a poboación traballadora

Repartiranse tamén 4300 exemplares dun calendario/semanario onde se poderán apuntar as actividades que se están a facer para reducir un estilo de vida sedentario

A actuación forma parte da Estratexia galega de seguridade e saúde no traballo que fai especial fincapé na prevención dos novos riscos laborais e nos emerxentes derivados das novas formas e procesos de traballo e do uso das novas tecnoloxías

A Xunta acreditará en 2019 a experiencia profesional de máis de 1800 galegos a través de dúas convocatorias
16/12/2018 11:24

A Xunta acreditará en 2019 a experiencia profesional de máis de 1800 galegos a través de dúas convocatorias

O Diario Oficial de Galicia acaba de publicar a primeira das convocatorias cun total de 467 prazas en catro cualificacións: servizos para o control de pragas, xestión de servizos para o control de organismos nocivos, extinción de incendios e salvamento e operacións de vixilancia e extinción de incendios forestais

A segunda convocatoria publicarase a principios do próximo ano e inclúe dúas cualificacións novas: docencia da formación para o emprego e operacións auxiliares de fabricación mecánica

A Consellería de Economía, Emprego e Industria recoñece con carácter oficial e validez nacional a experiencia ou formación non formal dos traballadores galegos

Preto de 11.900 galegos xa acadaron unha acreditación oficial a través desta iniciativa da Administración autonómica

A Xunta impulsa con 3,6 millóns de euros as exportacións de 600 pemes e autónomos a través do Plan Foexga
16/12/2018 11:00

A Xunta impulsa con 3,6 millóns de euros as exportacións de 600 pemes e autónomos a través do Plan Foexga

A iniciativa, desenvolvida en colaboración coas Cámaras de comercio galegas, apoiará misións comercias directas así como participación en feiras internacionais e en eventos promocionais

Poden beneficiarse destas axudas as pemes galegas e os autónomos que buscan comezar ou reforzar a súa internacionalización

Durante 2019 e 2020 as empresas beneficiarias poderán acollerse a unhas 160 accións en máis de 50 países

Este plan complementa os servizos de apoio que se achegan a través do Igape, como o programa Galicia Exporta, e que forman parte das accións impulsadas no marco da Estratexia de internacionalización da empresa galega
 

15/12/2018 12:30

A Artesanía de Galicia protagoniza a feira creativa do Mercado da Estrela que se celebra esta fin de semana en Santiago

A directora xeral de Comercio e Consumo, Sol Vázquez, visitou hoxe o encontro no que participan un total de 31 obradoiros artesáns de 14 oficios diferentes